افضل مدرسين سادس علمي في العراق

تريد افضل مدرسين سادس علمي في العراق؟ 

شوف اني راح انطيك تجارب الطلاب وكلامهم وانت اختار الي يعجبك!

وطبعاً اني نقلت الك تجارب طلاب هسه هم اليوم بالجامعات وداخلين الاقسام الي يردونها ويحبونها

خلونا نبدأ

افضل مدرسين سادس علمي في العراق

شوف راح انقل الك هسه كلام الطلاب وتجربتهم وعلى اي مدرسين درسوا وشلون درسوا

اضغط هنا (عزيزي القارئ)

تجربة الطالب محمد قبلان ويه افضل مدرسين سادس علمي في العراق

السلام عليكم شباب، شلونكم؟ إن شاء الله زينين. اليوم راح نسولف عن أحسن المدرسين الموجودين باليوتيوب، وهذولي الأسماء جمعتهم من تجارب طلاب متخرجين ومطلعين درجات كاملة، ومن تجربتي الشخصية لما كنت بالسادس.

ملاحظة مهمة قبل ما نبدأ:

إذا شفت مدرس شارح منهج 2025 وأنت دفعة 2026، تكدر تعتمد عليه 100% ما دام الكتاب ما متغير. المادة هي نفسها، فلا تتقيد بسنة التصوير إذا كان الشرح وافي ومرتب.

1. التربية الإسلامية

الأستاذ ساجد العقيلي: مدرس ممتاز، انصحكم تعتمدون على ملزمته وشرحه باليوتيوب، ملزمته جداً مرتبة.

الأستاذ محمد الجنائي: أيضاً خيار ثاني ممتاز، شوف يا هو اللي تفتهم عليه أكثر واستمر وياه.

2. اللغة العربية

القواعد: لازم تكون عندك ملزمة الأستاذ عقيل الزبيدي، اعتبرها مصدرك الأساسي حتى لو كنت مسجل خصوصي عند غير مدرس.

مدرسي اليوتيوب (قواعد): الست رفل الزبيدي والأستاذ حسين عبيد، الاثنين شارحين المنهج كامل وتصويرهم حديث.

الأدب: انصحكم بـ الأستاذ مهدي المبدع، عنده ملزمة وكتاب مؤشر يضمن لك الدرجة الكاملة، وعنده دورات مجانية بقناته بالتليجرام.

3. اللغة الإنجليزية

الأستاذ محمد حسين: شرحه وافي وملزمته مرتبة جداً.

خيارات أخرى: الأستاذ محمد العبيدي والأستاذ سجاد العبيدي.

نصيحة: بالإنجليزية جرب تشوف محاضرة واحدة لكل مدرس، والي ترتاح لطريقة توصيله للمعلومة كمل وياه.

اذا تريد تعرف اكثر اقرأ: افضل مدرس انكليزي سادس علمي في العراق

4. الأحياء

الأستاذ محمد خبلان (المتحدث): شارح المنهج وراح ينزل بالتدريج على اليوتيوب. الفصل الأول كامل، والبقية بالطريق. أعدكم بمادة سهلة ودرجة كاملة بإذن الله.

5. الرياضيات

الأستاذ حيدر وليد: غني عن التعريف، أي واحد يعاني من الرياضيات يروح يمه.

الأستاذ قصي هاشم: هذا المدرس اللي اني شخصياً درست عليه بالسادس.

خيارات إضافية: الأستاذ محمد قاسم والأستاذ حيدر عبد الأئمة.

6. الكيمياء

الأستاذ هاشم الغرباوي: أغلب الطلاب الأوائل اقترحوا اسمه، شارح المنهج كامل وتكدرون تعتمدون على ملزمته وشرحه.

7. الفيزياء

الأستاذ حسين محمد: مستمر بالتنزيل وشرحه للمسائل والكلاميات كلش يحبوه الطلاب.

الأستاذ عصام الشمري: إذا واجهت صعوبة بـ كلاميات الفصول الأخيرة (من الرابع للتاسع)، انصحك تروح تشوف شرحه لأن أسلوبه بالكلاميات جداً مميز.

نصيحة كاظم علي عن افضل مدرس سادس علمي في العراق

السلام عليكم طلاب، شلونكم؟ هذا الفيديو اللي وعدتكم بي بخصوص أحسن مدرسي اليوتيوب للي ميسجلون خصوصي ويريدون يعتمدون على شرح مجاني وكامل للمنهج. التصويت صار بمشاركة 5000 طالب من دفعة 2025، والنتائج جانت كالتالي:

1. اللغة العربية

أكثر تكرار بالأسماء بنسبة 80% جان لـ:

• حسين عبيدة، حمزة الجابري، أحمد النعيمي. (المنهج عدهم كامل ومجاني).
• أسماء ثانية انذكرت: هشام المعموري، رفل الزبيدي، علاء الرماح.

اذا تريد تعرف اكثر اقرأ: افضل مدرس عربي سادس علمي في العراق

2. الرياضيات

المنافسة قوية والآراء متقاربة:

• حيدر وليد: حصل النسبة الأكبر (حوالي 60%).
• حيدر عبد الأئمة: حصل تقريباً 40%.
• أسماء ثانية ممتازة: مؤمن مهدي، محمد قاسم.

3. الأحياء (مادة الفهم والانسان)

بما إن مادة السادس تركز على جسم الإنسان (خلية، أنسجة، تكاثر، وراثة)، فالدكتور هو الأنسب لشرحها:

الأستاذ محمد قبلان (المتحدث): طالب طب مرحلة سادسة، شارح المنهج بأسلوب جبار.

تلكون محاضرات 2026 جاي تنزل حالياً (الفصل الأول كمل)، ومحاضرات السنين السابقة كاملة بقوائم التشغيل.

4. الكيمياء

ثاني أكثر مادة صار بيها اختلاف بالآراء، بس الأبرز هم:

• هاشم الغرباوي: تكرر اسمه بشكل كبير جداً (الأكثر طلباً).
• مهند السوداني، حسين الهاشمي.
• أسماء إضافية: يوسف الربيعي، نور الدين.

5. اللغة الإنجليزية

الأسماء تكررت بشكل متساوي تقريباً:

محمد حسين، سجاد العبيدي، محمد العبيدي.

نصيحة: الأستاذ محمد حسين جداً مفيد للطلاب اللي مستواهم ضعيف باللغة، عن تجربة شخصية قديمة.

6. الفيزياء

أكثر مادة صار بيها تضارب بآراء الطلاب، والنسبة انقسمت:

• 50% صوتوا لـ: حسين محمد ومؤيد سليم.
• 50% الباقية توزعت على: علي السوداني، حسن عبد الكاظم، محمد زياد.

7. التربية الإسلامية

الغالبية (80-90%) يعتمدون على الكتاب والملزمة فقط، بس اللي يحتاج مدرس فالأسماء هي:

عمار فاضل، ساجد العقيلي، محمد الجنائي.

8. الفرع الأدبي

المشاركة جانت قليلة بس الأسماء اللي برزت هي:

• الاقتصاد: مضر الجبوري.
• الجغرافيا والتاريخ: عباس العامري ومضر الجبوري.

ملاحظة أخيرة: لا تعتمد على "طشة" المدرس فقط، اعتمد على المدرس اللي يكمل المنهج واللي أنت ترتاح لشرحه وتفتهم عليه. كل الروابط والملفات تلكوها بقناتي على التليكرام بأول تعليق.

بالتوفيق يارب، ونشوفكم على خير!

وهسه خلينا ننتقل الى كلام طالب اخر حول افضل مدرسين سادس علمي في العراق

نصيحة طالب عن افضل مدرسين مواد السادس العلمي

السلام عليكم شباب وبنات، شلونكم؟ إن شاء الله بخير. اليوم الفيديو مالتنا كلش مهم لطلاب دفعة 2026، راح نحجي بي عن أفضل المدرسين الموجودين على اليوتيوب لكل المواد، واللي تضمنون وياهم درجة الـ 100 إن شاء الله.

1. التربية الإسلامية

الأستاذ محمد الجنائي: شرحه كلش مبسط وحلو، يشرح مباشرة على الكتاب ويأشر وياكم، وهذا الشيء يساعدكم تضبطون التأشيرات والمادة وبشكل سهل.

اقرأ ايضا: افضل مدرس فيزياء سادس علمي في العراق

2. اللغة العربية

عدنا أساتذة على مستوى عالي جداً وتكدرون تعتمدون على أي واحد منهم:

• الأستاذ حسين عبيدة.
• الأستاذ حمزة الجابري.
• الست رفل الزبيدي.

• الأستاذ عقيل الزبيدي: (ملاحظة: محاضراته غالباً مسربة بس هو مدرس "فول").

3. اللغة الإنجليزية

مدرسين اثنين قمة في الشرح وما مقصرين بأي شيء:

• الأستاذ محمد العبيدي: (عن تجربة شخصية وتفضيل شخصي).
• الأستاذ سجاد العبيدي.

4. الرياضيات

بالرياضيات ماكو غيرهم، ذولي الأفضل وتكدر تختار الي يعجبك منهم:

• الأستاذ حيدر وليد.
• الأستاذ حيدر عبد الأئمة.

اقرأ ايضا: افضل مدرس رياضيات سادس علمي

5. الأحياء

الأستاذ سالم المنصور: انصح بي بقوة لأن شرحه على الآيباد ومؤيد بفيديوهات توضيحية ورسومات، يربط المادة بالحياة اليومية ويخليك تفهم الفكرة قبل ما تحفظها.

6. الكيمياء

مدرسين عمالقة بالمادة:

• الأستاذ هاشم الغرباوي: متوفر بشكل كامل على اليوتيوب.
• الأستاذ حسين الهاشمي: محاضراته (مسربة) أو للي مسجلين ويا خصوصي، والاثنين يوصلوك للـ 100.

7. الفيزياء

• الأستاذ مؤيد سليم.
• الأستاذ حسين محمد.

اثنينهم شرحهم "فول" وموجودين على اليوتيوب وما بيهم أي قصور.