تريد افضل مدرس فيزياء سادس علمي في العراق ؟
شوف اني راح اذكر الك تجارب الطلاب ويه المدرسين وكل طالب وتجربته انته اقرأ المقالة كاملة
وشوف يا مدرس يعجبك عزيزي واختار صح
ولا تنسى اذا تريد افضل مدرس احياء دوس هنا
افضل مدرس فيزياء سادس علمي في العراق
هاي اسماء المدرسين افضل مدرسين الفيزياء في العراق (بدون ترتيب)
- مؤيد سليم
- سلام عادل الربيعي
- حسن عبد الكاظم
- علي السوداني
- حسين محمد
- محمد زياد
- علي الذهبي
 |
| اضغط هنا (عزيزي القارئ) |
افضل مدرس فيزياء سادس علمي في العراق | سلام عادل الربيعي
السلام عليكم ورحمه الله طلاب السادس هوايه طلاب عادوا السنه بسبب الفيزياء هوايه
طلاب عقدتهم ماده الفيزياء
هوايه طلاب ما يقدرون يكملون الماده هوايه طلاب الماده تاخذ من وقتهم هواي فلا تشوف هاي جاهزه بالنسبه لك ع بالك انت فهمت كل شي انتظر نهايه كلامي حتى تصير عندك التفاصيل كامله
عقده اغلب طلاب السادس هي ماده الفيزياء وشفتوا بالدفعات السابقه كلها تاجل الفيزياء دور ثاني
ف جبت لكم مدرس يعني انت مو دائما تروح على الطشه تروح مثلا تشوف اكو اثنين مدرسين هم معروفين ما يحتاج اذكر اسمهم واحد مسوي الفصل الاول
50 محاضره والثاني 60 محاضره مادري ايش قد جاي يتنافسون يعني شلون يتنافسون يعني ذاك المدرس شو يقوللك يقوللك هذا سوى الفصل الاول 45 خلي انا اسوي 50 حتى الطلاب من يشوفون مسوي 50 اروح اقرا على ابو 50
والطلاب رايحه ضحيه تلقى ها 50 محاضره نصها حكي زايد ونصها لغوه والى اخره والطلاب رايحه ضحيه كل شي ما يدرون
على كل حال استاذ سلام عادل الربيعي مميزات المدرس الكلامي على جهه والمسائل على جهه يعني انت بعد ما تتعب من
ناحيه الكلامي والمسائل تقول ها شلون والى اخره هو عازل لك اياهن كل من على جهه حل اسئله الفصل اللي هي 80% من اسئله الفيزياء تجي على اسئله الفصل هو يحلها بعد نهايه كل فصل
يخليك تفهم الكلامي بصوره سهله شارح المنهج بصوره كامله ومفصله يستعمل قاعدة اساسيه في حل المسائل هي
الاساسيات الرياضيه وفهم المساله والقوانين شارح اساسيات الفيزياء
الفصل الاول شارحه ب 23 محاضره
11 كلاميات 12 مسائل
الثاني كذلك نفس الترتيب
الثالث 14 كلاميات 10 مسائل
والسابع والرابع سبع كلاميات ومسائل وحده
والخامس كذلك سبع كلاميات ومسائل
وحده السادس شارح بعشر محاضرات ست كلاميات اربع مسائل
السابع تسع محاضرات
الثامن سبع محاضرات
والتاسع ثلاث محاضرات
الاستاذ عنده قناه على اليوتيوب حتى دورات الالكترونيه رخيصه منهج كامل ب 500000 دينار وين لاكيها طالب السادس يعني هو المحاضرات والتصحيح والامتحانات كلها عليه ب 500000
هذا هاي جاي اسولف انا دفعه 26 دفعه 25 بعد بعد ما ياخذهم زين وين طالب يروح يدخل دوره ب 300 و 400000 و 500000 الكتروني وبعدين يطلع ما يستفاد من عندها شي بس انا ماجي اسولف بجانب
الالكتروني النقطه المهمه هنان انه هذا المدرس هو حل الطالب بماده الفيزياء اول ما تبدا تروح تبدا بالاساسيات اربع محاضرات مسويه الاساسيات اربع محاضرات تروح تبلش بيهن
وبعدها تتسلسل بالمحاضرات راح تشوف الفيزياء ماده سهله لان هو ماشي على مبدا الشرح المبسط مو المعقد
ما يحكي كلمه زايده خارج عن المحاضره شرحه دقيق جدا زين هاي يعني كنصيحه تريد تحل مشكله الفيزيا نهائيا تدرس على استاذ سلام وتتوكل على الله كل التوفيق ان شاء الله
وهذا هو رابط قناة استاذ سلام اضغط هنا
وهسه خلينا ننتقل لتجربة طالب اخر حول مدرس فيزياء سادس علمي في العراق
تجربة طالب ثاني ويه افضل مدرس فيزياء في العراق
السلام عليكم ورحمه الله وبركاته بهذه دقائق القليله احاول اذكر احسن المدرسين بكل المواد هنا اكو شغله ما دام تريد تقرا على اليوتيوب راح تلقى كومه مدرسين شارحين المنهج تقريبا سته او سبعه
واكثر من شارح المنهج فانت هنا راح تحير تقرا عليها يا استاذ لهذا انا راح اذكر تقريبا افضل الاساتذه انت حاول تشوف شرح هذول اذا ما فهمت على هذول الاساتذه يلا تروح على غير استاذ وتشوف شرحه
انت شلون تعرف هذا الاستاذ انت متهم شرحه او لا اكو طريقه تشوف ثلاث محاضرات من اي استاذ اذا جا تشوف نفسك مفتهم استمر عليه بس شلون
انت تتيقن انه انت مفتهم او لا من تقرا ثلاث محاضرات تروح شو تجيب تجيب الوزاري مال هذه الثلاث محاضرات وتبدا تحله اذا قدرت تحله انت هنا راح تتيقن انه انت جت تفهم وجنت تستوعب الماده
من ثبتت على استاذ وبديت وياه وجت تفهم عليه اذا اجى غير طالب او اي واحد حتى لو استاذ قال لك يابا ترى هذا الاستاذ مو زين او اي شي لو شرحه مو زين لو ما مكمل المنهج
لان راح اذكر لك كلهم مكملين المنهج ماده الفيزياء الفيزياء
اسئلة الفصل كلش كلش مهمه اسئله الفصل دائما يجي بالامتحان الوزاري وركز عليها ابد لا تستهين باسئله الفصل وضروري تعرف خطوات حل
المسائل وتكتب الملاحظات الي يكولها الاستاذ اما تخلي وياك دفتر او تسجل يم المثال او على الكتاب او الملزمه اللي يمك
بالبدايه اذا عندك مشكله بالاساسيات مال الفيزياء الرياضيه مثل ضرب الاسس وضرب البوينتات وهكذا اذا عندك مشكله
استاذ علي السوداني شارح الاساسيات واستاذ علي الذهبي ايضا شارح الاساسيات وانت تختار على اي واحد يعجبك تشوف عليه الاساسيات
كلش ضروري حتى ما تواجه مشاكل بالمسائل لانه المسائل شويه بها بوينتات والضرب الاسس
وهكذا يحتاج شويه قوي بالرياضيات وبالنسبه للشرح عندك استاذ مؤيد سليم من افضل الاساتذه
الشارحين المنهج وشرح شرح جديد وعندك استاذ حسن عبد الكاظم اللي هو كلش ممتاز بالمسائل واي استاذ انت تشوفه حتى لو غير هذه الاساتذه حاول تجيب ملزمتين للوزاريات
ملزمه استاذ مؤيد سليم بالوزاريات كلش مرتبه وبالتسلسل الاستاذ ذاكر المواد اللي جايه بالوزاريه مثلا الفصل الاول الموضوع المتسعات كل موضوع يذكرها كم مره جايب الوزاري ملزمه الصراحه كلش مرتبه
تجربة طالب ثالث ويه استاذ مؤيد سليم لمادة الفيزياء
درجتي بالفيزياء جانت 95، وطارن الـ 5 درجات بسبب فرع اختيارات اختاريت واحد منهن غلط، رغم جنت مضبطة المادة بنسبة مليون بالمية. درست المادة على الأستاذ مؤيد سليم.
بما أن مدرسين الفيزياء هواية، فـ "أنتو اختاروا المدرس اللي ترتاحون لشرحه وتفهمون عليه"، وبالنسبة لطريقتي بالدراسة جانت كالتالي:
- قوانين الفصل أولاً: قبل لا أبلش بأي فصل، جنت أجيب ورقة وأكتب كل القوانين الخاصة بي وأحفظهم مثل اسمي. هاي الخطوة خلتني من أشوف أي مسألة أحلهة مباشرة وبدون ما أصفن بيها أو تضيع وقتي.
- الوزاريات خطوة بخطوة: ورا ما أخلص أي سؤال أو مثال عن موضوع معين، جنت أروح أدور على الأسئلة الوزارية الخاصة بهذا الموضوع وأحلهة. وبالمناسبة، الوزاريات تلكوها كاملة بملزمة الأستاذ خالد الحيالي.
- الأفكار القوية: الأفكار الصعبة بالمسائل جنت أكتب الفكرة مالتها بورقة صغيرة وأدور على وزاريات تشبهها حتى أعرف شلون تجي بالامتحان. الأفكار "اللوفية" جنت أركز عليها أكثر من الباقي، ونصيحة: سووا دفتر خاص للمسائل اللي بيها فكرة قوية حتى تراجعوها بليلة الامتحان، أو خصصوا نهاية دفتركم لهيج ملاحظات.
- الاختبار الشامل: من أكمل الفصل تماماً، أطلع أسئلة وزارية شاملة تخص الفصل كله وأمتحن نفسي بيها. إذا شفت روحي فاهمة أعبر للفصل اللي وراه، وإذا لا، أرجع أعيد الأشياء اللي وكعت بيها.
- الأساسيات والارقام: انتبهوا لموضوع (الضرب، القسمة، الأسس، والمقامات)، لأن أغلب الحل يعتمد عليها. إذا طلع الناتج غلط، مرات يطير السؤال كله خصوصاً إذا جان اكو مجهول لازم نطلعه. فظبطوا "الأساسيات" من البداية.
- الدفتر هو المرجع: لازم تسوون دفتر خاص بيكم وتعتمدون عليه وتعوفون الملازم شوية. أي ملاحظة يحجيها المدرس أكتبوها بإيدكم، حتى لو جانت مكتوبة بالملزمة، لأن كتابة الإيد تنطبع بالدماغ أكثر.