افضل مدرس احياء سادس علمي في العراق

 تدور على افضل مدرس احياء سادس علمي ؟ 

راح انطيك تجربتي!! اني جبت 100 كاملة بالاحياء والاسئلة بوكتها جانت صعبة ورجع بيها فصل الوراثة وجان صعب

اريدك تاخذ قاعدة, لا تدرس على مدرس لان مشهور فقط والناس تمدح بيه انما ادرس على الي تفهم عليه وتشوفه يناسبك

 وهسه خليني اخذكم بقائمة افضل مدرس احياء سادس علمي في العراق 

ولا تنسى الترتيب عشوائي يعني 

افضل مدرس احياء سادس علمي

احنه بهاي المقالة راح نركز بس على المدرسين الي ينشرون المنهج على اليوتيوب ويكون بلاش حتى الكل يكدر يدرس ببلاش

ولو احنا وفرنا الكم المحاضرات الالكترونية المدفوعة ببلاش تكدر تشوفهن من هنا

سالم ال منصور

جنت حاير بخصوص الاحياء كلش كلش كلش لان مادة مطولة كلش وبعد ما يفيد الحفظ ويه هيج مادة

لان اذا تحفظ راح تضيع الوقت علا خالي بلاش وما راح تستفاد من اي شيء ابد

لذلك لازم تفهم المادة بشكل واضح وصريح

وافضل مدرس بالنسبة الي والي درست عليه وجبت درجة كاملة 100 من الدور الاول هو سالم ال منصور

رغم انو اني اصلاً ما كملت المنهج كاملاً, الفصل الاخير الوراثة قريت منه نصه 

سالم ال منصور موفر الك المنهج كامل وشرحه يخبل وخرافي

والمدرس شاب وقريب من عقلية الطلاب 

وملزمته ولا اروع كلش راقية ومرتبة وتحتوي على كل الاسئلة الوزارية وهو هم منزل كتاب مؤشر للاحياء 

لان اكو طلاب ما تحب تقرأ على ملزمة

وهم ينزل كل سنة ملزمة وزاريات فقط كاملة وشاملة

سالم ما بيه اي خطأ على الاقل من وجهة نظري يمكن السلبية الوحدة هي انو يصيح بالمحاضرة وهذا الشيء يزعج بعض الطلاب اثناء الدراسة

بس هو يعرف اكو طلاب تصفن او بالها يروح لذلك يحاول يسترجع بالهم بالدراسة

زين شلون طريقة الدراسة ويه سالم؟

الطريقة بسيطة تشوف المحاضرة وتفهمها فهم اكرر تفهمها فهم يا عزيزي

وبعد ما خلصت منها تفتح الملزمة وتبدي تحفظ 

والشيء الحلو انو سالم مقسم الملزمة الى محاضرات يعني كل محاضرة والها عدد صفحات

وهذا شيء كلش يسهل عليك الدراسة بشكل مو طبيعي 

وسالم عندة قناة تلكرام ينشر وينزل بيها كل التفاصيل وهم تكدر اذا ما تريد تتابع المحاضرات الالكترونية او اليوتيوبية انو تشترك عنده حسب السعر الي هو عارضه

زين هسه اذا اريد اعتمد على سالم شسوي؟

شوف هسه راح تحمل ملزمة الاستاذ سالم ال منصور 

وراح تروح لقناته باليوتيوب او تتابع المحاضرات الالكترونية الي هي للطلاب الي دافعين فلوس هنا

والحلو ترى عدد المحاضرات قصيرة نوعا ما يعني الفصل الاول بس 15 محاضرة

والثاني 12 

والرابع كلش قليلات يبقى عند بس الثالث والخامس طوال لان مهمات وبيهن هواي حجي

واذا ردنه نحجي عن اصعب فصل الي هو الوراثة بالنسبة الي اني ما شايف مدرس شارحه مثل شرح سالم 

بحيث حول الك كل المسائل وخلالها ماي وسهلة كلش وبشكل ميوصف

حتى التعاريف مال الفصل الخامس صارت سهلة مو كلها صراحة لان بعضها ما تدخل العقل مهما حاولت هاي اخذها قاعدة مني

محاضرات سالم مو طويلة يعني اكو محاضرات نص ساعة واقل واكثرها ساعة تقريباً ما يتجاوز اكثر من هذا

اذا تريد تدخل لقناة سالم دوس هنا

وهذا هو معرف قناة التلكرام الي تابعه لسالم Newton1998

كلمة اخيرة طبعاً اكو هواي مدرسين زينين وكلش مفيدين

لكن انا ذكرت الك تجربتي والمدرس الي اعتمدت عليه

مثلا اكو حسن فلاح وغيره من المدرسين الاكفاء 

لذلك في حال ما عجبك سالم ابحث ولا تدرس الا على مدرسه تفهم عليه

افضل مدرسين مادة احياء سادس علمي

نبدأ بـ الأستاذ رشيد الجبوري، هذا المدرس عبارة عن خبرة تمشي على الأرض، شرحه كلاسيكي ومرتب، يركز على الوزاريات بشكل مو طبيعي ويخليك تضمن الدرجة بجيبك. أما الأستاذ جواد علي، فهو ملك التفاصيل، يجزأ لك المعلومة ويشرحها بطريقة تخليك تحس الأحياء قصة ممتعة مو مجرد مادة جافة، وملازمه دائماً تكون "المنقذ" للطلاب.

وإذا ردنا نحجي عن الترتيب والدقة، فلازم نذكر الست إيمان مزاحم؛ شرحها راقي جداً وتعرف شلون توصل الفكرة للطالبة والطلاب بأسلوب هادئ ومبسط، وتركز هواي على الرسوم لأن تعرفها هي مفتاح الدرجة الكاملة بالدفتر الامتحاني.

أما البعبع "الوراثة"، فحلها يم الأستاذ علي المرشدي؛ هذا المدرس اختصاصه يفكك عقد المسائل الوراثية، يحول القوانين الصعبة إلى خطوات بسيطة، وبس تدرس وياه تحس الوراثة صارت أسهل فصل عندك. وما ننسى الأستاذ جعفر الحسني، اللي يتميز بحيوية شرحه وقدرته على جذب انتباه الطالب طول المحاضرة، ومنهجه دائماً يكون شامل ومغطي لكل شاردة وواردة بالكتاب.

كل هؤلاء المدرسين كفاءات ترفع الهم الرأس، والاختيار بينهم يعتمد على "عقلك ويه منو يرتاح"، المهم تبلش وتشد حيلك لأن الـ 100 مو مستحيلة ويا هيج أساتذة.

خلاصة المقالة

يا هلا بيكم طلاب السادس.. هواي منكم يسألون "منو أفضل مدرس أحياء؟" ويدوخون بين الأسماء والمشاهير. نصيحة من مجرب جاب 100 كاملة بوكت جانت الأسئلة بي صعبة والوراثة راجعة: لا تدرس على المدرس لمجرد إنه مشهور! ادرس على اللي يدخل عقلك وتفهم عليه، لأن الأحياء مادة مطولة وإذا اعتمدت بس على الحفظ راح تضيع وقتك "علا خالي بلاش".

بناءً على تجربتي، المدرس اللي جان إله الفضل بعد الله بـدرجتي الكاملة هو سالم آل منصور. ليش سالم بالذات؟ أول شي المدرس شاب وقريب من عقلية الطلاب، وشرحه يخليك تفهم المادة فهم حقيقي قبل ما تحفظها. المنهج مالته متوفر كامل ومجاني على اليوتيوب، وهذا شي كلش يفيد الطلاب اللي ما عندهم إمكانية للخصوصي أو الدورات المدفوعة.

نقاط القوة بدراستك وياه:

1. الملزمة والترتيب: ملزمته راقية ومرتبة ومقسمة حسب المحاضرات، يعني ما تدوخ وتعرف كل محاضرة شكد تاخذ صفحات. والأهم إنها تحتوي على كل الوزاريات.
2. كتاب مؤشر: للي ما يحبون الملازم، هو موفر كتاب مأشر وجاهز، بالإضافة لملزمة خاصة بالوزاريات شاملة.
3. فصل الوراثة (البعبع): هذا الفصل اللي يخوف الكل، سالم حول المسائل مالته إلى "ماي" وسهلة بشكل ميوصف، حتى التعاريف الصعبة خلاها قريبة للعقل.
4. وقت المحاضرات: محاضراته مو طويلة ومملة، أغلبها نص ساعة أو ساعة، وهذا يخليك ما تتعب وبنفس الوقت عدد المحاضرات قليل (مثلاً الفصل الأول بس 15 محاضرة).

السلبية الوحيدة اللي ممكن تلاحظها هي إنه "يصيح" بالمحاضرة، بس الصراحة هذا لمصلحتك حتى لا تصفن ويرجع تركيزك ويا المادة.

طريقة الدراسة الصح: تفتح اليوتيوب، تفهم المحاضرة فهم دقيق، وبعدين تروح للملزمة تحفظ اللي فهمته. تكدر تتابعه على قناته بالتليكرام (Newton1998) حتى تبقى ويا التحديثات. صدكني، إذا مشيت وياه بتركيز، الـ 100 مو بعيدة عليك!

اتمنى اذا نالت المقالة اعجابك انو تشاركها مع اكبر عدد ممكن من اصدقائك حتى يستفادوا وينتفعوا 

لان مرحلة السادس مرحلة مهمة وهم يحتاجون لابسط نصيحة لذلك لا تبخل عليهم

وبهذا نكون انتهينا من مقالتنا التي كانت بعنوان: افضل مدرس احياء سادس علمي في العراق